June 05, 2020 Friday 06.53 PM
Newsletter Home

சற்றுமுன்

admin
Posted Date : Jan 29 2020 5:57 AM

வெளிநாட்டில் படமாகிறது: அஜித்தின் ‘வலிமை’ படத்தில் ‘பைக் ரேஸ்’

Posted Date : Jan 29 2020 5:57 AM

    நேர்கொண்ட பார்வை படத்துக்கு பிறகு அஜித்குமார் ‘வலிமை’ படத்தில் நடித்து வருகிறார். வினோத் இயக்குகிறார். போனிகபூர் தயாரிக்கிறார். அதிரடி சண்டை படமாக தயாராகிறது. இதில் அஜித்குமார் போலீஸ் அதிகாரியாக வருகிறார். இதற்காக உடற்பயிற்சிகள் செய்து தோற்றத்தை இளமையாக மாற்றி இருக்கிறார்.


முதல் கட்ட படப்பிடிப்பை ஐதராபாத்தில் முடித்துள்ளனர். அடுத்து சென்னையில் படப் பிடிப்பை நடத்த உள்ளனர். இதற்காக ஸ்டூடியோவில் பிரமாண்ட அரங்குகள் அமைக்கும் பணி நடக்கிறது. வலிமை படத்தில் நடிக்கும் இதர நடிகர், நடிகைகள் விவரத்தை ரகசியமாக வைத்துள்ளனர். கதாநாயகி யார்? என்றும் தெரிவிக்கவில்லை. கியூமா குரோஷி கதாநாயகியாக நடிப்பதாக தகவல் கசிந்துள்ளது. இவர் ஏற்கனவே காலா படத்தில் ரஜினியுடன் நடித்து இருந்தார்.

வலிமை படத்தில் அஜித்துக்கு பிடித்தமான பைக் மற்றும் கார்பந்தய காட்சிகள் இடம்பெறுகின்றன. இந்த காட்சிகளை சுவிட்சர்லாந்தில் படமாக்க உள்ளதாகவும், இதற்காக தயாரிப்பாளர் போனிகபூர் அந்த நாட்டுக்கு சென்று சிறப்பு அனுமதி வாங்கி இருப்பதாகவும் தகவல் வெளியாகி உள்ளது.

சென்னை படப்பிடிப்பு முடிந்ததும் வட இந்தியா சென்று முக்கிய காட்சிகளை படமாக்குகிறார்கள். அதை முடித்து விட்டு பைக், கார் பந்தைய காட்சிகளை படமாக்க அஜித்குமார் உள்ளிட்ட படக்குழுவினர் சுவிட்சர்லாந்து புறப்பட்டு செல்கிறார்கள்.

வலிமை படம் தீபாவளி பண்டிகையில் திரைக்கு வருகிறது.

 

Comments Here

  • கருத்துகள் எதுவும் கிடைக்கவில்லை