May 24, 2019 Friday 08.38 AM
Newsletter Home

சற்றுமுன்

2ம் உலக போரில் பாலியல் அடிமையாக இருந்த பெண் 94 வயதில் மரணம்!

Posted Date : Jan 28 2019 3:25 PM

2ம் உலக போரின் பொழுது ஜப்பான் ராணுவத்தினர் ஆசிய நாடுகளை சேர்ந்தவர்களை பாலியல் அடிமைகளாக பயன்படுத்தியது. ராணுவ வீரர்களின் உபயோகத்திற்காக பயன்படுத்தப்பட்ட இந்த பெண்களின் எண்ணிக்கை 4 லட்சத்திற்கும் அதிகமாகவே இருக்கும் என வரலாற்று ஆய்வாளர்கள் தெரிவித்துள்ளனர்.

கடந்த 1942ம் ஆண்டு 17 வயது நிறைந்த லீ என்ற பெண் பணி முடிந்து வீடு திரும்பி கொண்டிருக்கையில் அவரை ஜப்பானிய ராணுவ வீரர்கள் கடத்தி சென்றனர். அதன்பின் லீயை வடகிழக்கு சீனாவுக்கு கட்டாயப்படுத்தி அனுப்பி அங்கிருக்கும் ஜப்பானிய ராணுவ வீரர்களுக்கு அவரை பாலியல் அடிமையாக பயன்படுத்தி வந்தனர்.

இந்நிலையில், தென்கொரியாவில் வசித்து வந்த லீ தனது 94 வயதில் உடல்நல குறைவால் இன்று காலை மரணம் அடைந்துள்ளார்.  இதற்கு முன் தென்கொரிய அரசு பதிவு செய்திருந்த பாலியல் அடிமைகளின் எண்ணிக்கை 238 ஆக இருந்தது.  இவர் மரணம் அடைந்த நிலையில் போர் காலங்களில் பாலியல் அடிமையாக்கப்பட்டதில் உயிருடன் இருப்பவர்களின் எண்ணிக்கை 24 ஆக குறைந்துள்ளது. கடந்த 1910ம் ஆண்டு முதல் 1945ம் ஆண்டு வரை தென்கொரியா நாடு ஜப்பானின் காலனி ஆதிக்கத்தில் இருந்து வந்தது.

Comments Here

  • கருத்துகள் எதுவும் கிடைக்கவில்லை