May 24, 2019 Friday 09.29 AM
Newsletter Home

சற்றுமுன்

admin
Posted Date : Feb 2 2019 3:47 PM

கைபேசியில் குழந்தைகள் ஆபாச படம் வைத்திருந்த இந்தியருக்கு சிறை - ஆஸ்திரேலிய நீதிமன்றம் உத்தரவு 

Posted Date : Feb 2 2019 3:47 PM

கைபேசியில் குழந்தைகள் ஆபாச படம் வைத்திருந்த இந்தியருக்கு 7 மாதம் சிறை தண்டனை விதித்து ஆஸ்திரேலிய நீதிமன்றம் தீர்ப்பளித்துள்ளது.

ஜனவரி 26 ம் தேதி குழந்தைகள் பாலியல் வீடியோ மற்றும் மிக மோசமான ஆபாச  வீடியோக்களை வைத்திருந்ததாக ஆஸ்திரேலிய  விமான நிலையத்தில் வைத்து மன்ரிபீத் சிங்  (வயது 32)  என்ற இந்தியர் ஒருவர் கைது செய்யப்பட்டார். 

கோலாலம்பூரிலிருந்து இருந்து பெர்த்  சென்ற மன்ரிபீத் சிங்  கைது செய்யப்பட்டார். பின்னர் அவர் நீதிமன்றத்தில் ஆஜர்படுத்தப்பட்ட  அவருக்கு ஏழு மாத சிறை தண்டனையும், அபராதமும்  விதிக்கப்பட்டு உள்ளது.

பாதுகாப்பு சோதனையின்  போது, மன்ரிபீத் சிங் இரண்டு மொபைல் போன்களில் ஒன்பது ஆட்சேபனைக்குரிய வீடியோக்களை வைத்திருந்தது கண்டறியப்பட்டது. அவர் வைத்திருந்த வீடியோ ஆபாச காட்சிகள்  கடுமையான தண்டனைக்குரியதாக கருதப்படுகிறது. 

கைது செய்யபட்ட பின் காவல்துறை அதிகாரிகள் மன்ரிபீத் சிங்கிடம் இருந்து மொபைல் போனை கைப்பற்றினர். அவரது சுற்றுலா விசா ரத்து செய்யப்பட்டது. அவர் சிறைவாசத்தை முடித்தபின் இந்தியாவுக்கு நாடு கடத்தப்படுவார் என கூறப்படுகிறது.

Comments Here

  • கருத்துகள் எதுவும் கிடைக்கவில்லை