February 24, 2019 Sunday 10.23 AM
Newsletter Home

சற்றுமுன்

admin
Posted Date : Feb 9 2019 6:11 PM

டாஸ்மாக் கடைகளில் சிசிடிவி கேமராக்கள் - முதற்கட்டமாக 3 ஆயிரம் கடைகளில் பொறுத்த தமிழக அரசு முடிவு 

Posted Date : Feb 9 2019 6:11 PM

டாஸ்மாக் கடைகளில் மது விற்பனையை முறைப்படுத்த முதற்கட்டமாக 3 ஆயிரம் கடைகளில் சிசிடிவி கேமராக்கள் பொறுத்த தமிழக அரசு முடிவு செய்துள்ளது 

மதுக்கடைகளில் 18 வயதுக்கு கீழ் உள்ளவர்களுக்கு மது விற்கக் கூடாது என்ற விதி இருந்தும் சிறுவர்களுக்கு மதுபானங்கள் விற்கப்படுகிறது. இதனால் இளம் தலைமுறைகள் மதுவுக்கு அடிமையாகி கெட்டுப் போகிறார்கள் என்று பொதுமக்கள் மற்றும் சமூக ஆர்வலர்கள் தொடர்ந்து குற்றம்சாட்டி வருகின்றனர்.

இதையடுத்து டாஸ்மாக் மதுக்கடைகளில் மது விற்பனையை கண்காணிக்க கண்காணிப்பு கேமராக்கள் பொருத்த முடிவு செய்யப்பட்டுள்ளது.

முதற்கட்டமாக 3 ஆயிரம் மதுக்கடைகளில் கண்காணிப்பு கேமராக்கள் பொருத்த டெண்டர் விடப்பட்டுள்ளது. ஒரு கடைக்கு 2 கேமராக்கள் வீதம் 6 ஆயிரம் கேமராக்கள் பொருத்தப்பட உள்ளது.

இதன் மூலம் விற்பனையை ஓழுங்குப்படுத்துதல், போலி மதுபானங்கள் விற்பனை தடுத்தல் ஆகியவையும் மேற்கொள்ளப்படுகிறது. இந்த கேமராக்கள் பொருத்த ரூ.5 கோடிக்கு டெண்டர் விடப்பட்டுள்ளது.

மாவட்ட அளவில் 38 இடங்களிலும், மண்டல அளவில் 5 இடங்களிலும் கண்காணிப்பு அறைகளும் அமைக்கப்படுகிறது. அடுத்த மாதம் ஒப்பந்த நிறுவனம் தேர்வு செய்யப்பட்டு 4 மாதங்களுக்குள் பணிகளை முடிக்க திட்டமிட்டுள்ளனர்.

Suggest a
correction
View
Comments
Post
Comments