May 24, 2019 Friday 09.08 AM
Newsletter Home

சற்றுமுன்

admin
Posted Date : Feb 9 2019 8:53 PM

பெண்ணின் வயிற்றில் கத்தரிக்கோல் வைத்து ஆபரேஷன் செய்த மருத்துவமனை - தெலுங்கானாவில் அதிர்ச்சி சம்பவம் 

Posted Date : Feb 9 2019 8:53 PM

தெலுங்கானா மாநிலத்தின் மங்கலஹாட் பகுதியைச் சேர்ந்தவர் மகேஸ்வரி சவுத்ரி (32). இவர் குடலிறக்க நோயால் கடும் பாதிப்பு அடைந்துள்ளார்.

இதையடுத்து, ஐதராபாத்தில் உள்ள புகழ்பெற்ற நிஜாமாபாத் இன்ஸ்டியூட் ஆப் மெடிக்கல் சயின்சஸ் (NIMS) மருத்துவமனையில் சிகிச்சை பெறச் சென்றார். அங்கு அவரை டாக்டர்கள் பரிசோதனை செய்தனர். அவருக்கு ஆபரேஷன் செய்ய தீர்மானித்தனர்.

இதனையடுத்து கடந்த ஆண்டு நவம்பர் 2-ம் தேதி டாக்டர்கள் அவருக்கு ஆபரேஷன் செய்தனர். உடல்நலம் தேறி வந்தவருக்கு மீண்டும் கடும் வயிற்று வலி ஏற்பட்டுள்ளது.

இதைத்தொடர்ந்து, ஆபரேஷன் செய்த மருத்துவமனைக்கு சென்று எக்ஸ்ரே எடுத்து பார்த்தனர். வயிற்றில் நீளமான கத்திரிக்கோல் இருப்பது தெரியவந்தது.

விசாரணையில், ஏற்கனவே நிம்ஸ் மருத்துவமனையில் நடந்த ஆபரேஷனில் தவறுதலாக கத்தரிக்கோலை வயிற்றுக்குள் வைத்துள்ளது தெரிய வந்தது. நிம்ஸ் மருத்துவமனையில் நடந்த இச்சம்பவம் கடும் அதிர்ச்சியை ஏற்படுத்தியுள்ளது. 

இதுதொடர்பாக, மகேஸ்வரியின் கணவர் மருத்துவமனை மீது காவல்துறையில் புகார் கொடுத்துள்ளார். இதுகுறித்து வழக்குப்பதிவு செய்த காவல்துறையினர் உரிய விசாரணை நடத்தப்படும் என தெரிவித்தனர். 

Comments Here

  • கருத்துகள் எதுவும் கிடைக்கவில்லை