லக்னோவில் காங்கிரஸ் தலைவர் ராகுல் காந்தி மற்றும் அவரது சகோதரியும், கட்சியின் பொதுச்செயலாளருமான பிரியங்கா திறந்த வாகனத்தில் வீதி வீதியாக சென்று பிரசாரம் செய்தனர்.

பிரியங்கா காந்தியை கட்சியின் பொதுச் செயலாளராக அண்மையில் ராகுல் காந்தி அறிவித்தார். மேலும், உத்தரப் பிரதேச காங்கிரஸ் கிழக்கு பகுதியின் நிர்வாகப் பொறுப்பையும் வழங்கினார். 

இந்நிலையில் உத்தரபிரதேச தலைநர் லக்னோவில் காங்கிரஸ் சார்பில் வாகனப் பேரணி நடைபெற்றது. பிரியங்காவுடன் காங்கிரஸ் தலைவர் ராகுல் காந்தியும், மற்றொரு தேசிய பொதுச்செயலாளரான ஜோதிர் ஆதித்ய சிந்தியா இதில் கலந்து கொண்டுள்ளனர். நூற்றுக்கணக்கான காங்கிரஸ்  தொண்டர்கள் வழி நெடுகிலும் கூடி நின்று பிரியங்காவுக்கு உற்சாக வரவேற்பு அளித்தனர்.

இருவரும் அமேதி மற்றும் ரேபரலி தொகுதிகளில் வீதி வீதியாக சென்று பிரசாரம் செய்ய உள்ளனர்.