March 23, 2019 Saturday 08.23 PM
Newsletter Home

சற்றுமுன்

admin
Posted Date : Mar 8 2019 6:22 PM

மோசடி பேர்வழி நீரவ் மோடியின் பங்களா வெடி வைத்து தகர்ப்பு - வீடியோ 

Posted Date : Mar 8 2019 6:22 PM

இந்தியாவில் மோசடி செய்துவிட்டு வெளிநாட்டிற்கு தப்பிச்சென்ற நீரவ் மோடியின் பல கோடி மதிப்புடைய கடற்கரை பங்களா வெடி வைத்து தகர்க்கப்பட்டது.

பிரபல வைர வியாபாரி நிரவ் மோடியும், அவரது உறவினர் மெஹுல் சோக்சியும், மும்பையில் உள்ள பஞ்சாப் நேஷனல் வங்கிக் கிளையில் 13 ஆயிரம் கோடி ரூபாய்க்கு மேல் கடன் பெற்று, அதை திரும்ப செலுத்தாமல் வெளிநாடு தப்பிச் சென்றுவிட்டனர். 

இந்நிலையில் மராட்டியத்தின் அலிபாக் பகுதியில் கடற்கரையை ஒட்டி 33,000 சதுர அடியில் கட்டிய பங்களா, கடற்கரை ஒழுங்குமுறை  மண்டலத்தின் விதிமுறைகளை மீறியுள்ளது என தெரிவிக்கப்பட்டது. இதனை விசாரித்த நீதிமன்றம் பங்களாவை இடிக்க உத்தரவிட்டது. இதனையடுத்து பங்களாவை நீதிமன்ற உத்தரவின்பேரில் மாவட்ட நிர்வாகம் வெடிவைத்து தகர்த்துள்ளது.

கடற்கரை ஒழுங்குமுறை மண்டலத்தின் விதிமுறைகளை மீறி கட்டப்பட்டதாக இந்த பங்களா தகர்க்கப்பட்டுள்ளது.

வலிமையாக கட்டமைக்கப்பட்ட பங்களாவை அதிநவீன இயந்திரங்களை வைத்து இடித்தாலும் மாதங்கள் எடுக்கும், எனவே  வேலையை துரிதமாக முடிக்கவே உள்வெடிப்புமுறையை பயன்படுத்தி கட்டிடத்தை தகர்த்தோம் என மாவட்ட நிர்வாகம் தரப்பில் தெரிவிக்கப்பட்டுள்ளது.

 

நன்றி NDTV 

Suggest a
correction
View
Comments
Post
Comments