May 24, 2019 Friday 08.58 AM
Newsletter Home

சற்றுமுன்

admin
Posted Date : Mar 14 2019 2:20 PM

சீனாவில் ஏடிஎம்-ல் பெண்ணை மிரட்டி கொள்ளையடித்த பணத்தை அந்த பெண்ணிடமே கொடுத்த திருடன் - காரணம் இதுதான்!

Posted Date : Mar 14 2019 2:20 PM

வழக்கமாக பணம் பறிப்பவர்கள் கத்தியை காட்டி பணம் பறிப்பதுண்டு. உயிரை காப்பாற்றிக்கொள்ள கையிலிருக்கும் பணத்தை பொதுமக்களும் வழிப்பறியாளர்களிடம் கொடுத்துவிடுவர்.

இந்நிலையில் சீனாவில் ஒரு திருடனின் செயல் அனைத்து தரப்பு மக்களாலும் இணையத்தளத்தில் பாராட்டப்பட்டு வருகின்றது. சீனாவின் ஹூயிங் நகரில் உள்ள ஏடிஎம்மில் இருந்து பெண் ஒருவர் பணம் எடுப்பதற்காக கார்டைப் போட்டு பின் எண்ணை அழுத்தியுள்ளார். அப்போது சற்றும் எதிர்பாராத விதமாக பணம் எடுக்க வந்ததை போல ஒருவன் பின்னே வந்து நின்றான். திடீரென கத்தியைக் காட்டி மிரட்டவே அந்த பெண் பயந்து கத்தியுள்ளார். 

பின்னர் இயந்திரத்தில் இருந்து வந்த பணத்தை எடுத்து அந்த திருடனிடம் கொடுத்துள்ளார். பணத்தை வாங்கிய திருடன், ஏடிஎம் இயந்திரத்தில் அப்பெண்ணின் பேலன்ஸை பார்த்துள்ளான். அதில் ஜீரோ பேலன்ஸ் காட்டவே, அந்த பணத்தை திருப்பிக் கொடுத்துவிட்டு அப்பெண்ணை பார்த்து சிரித்து விட்டுச் சென்றான். இந்த காட்சி ஏடிஎம் மையத்தில் பொருத்தப்பட்டிருந்த கண்காணிப்பு கேமராவில் பதிவாகியுள்ளது.

இந்த வீடியோ தற்போது சமூக வலைத்தளங்களில் வைரலாக பரவி வருகிறது. அந்த திருடனை காவல்துறையினர் கைது செய்துள்ளனர். ஆனால் பொதுமக்களோஅந்த அந்த நபரை பாராட்டி வருகின்றனர்.

இதனையடுத்து இந்த வீடியோவிற்கு மீம்ஸ்களும், கமெண்டுகளும் குவிந்து வருகின்றன. இதில் குறிப்பாக ஒருவர் தனது பதிவில்,  “என் வங்கிக் கணக்கைப் பார்த்தால் திருடன் அவனுடைய சொந்த பணத்தை மட்டுமல்லாமல், கத்தி மற்றும் அணிந்திருந்த சட்டையையும் கொடுத்து சென்றுவிடுவான்” என காமெடியாக கமெண்ட் செய்துள்ளார்.

Comments Here

  • கருத்துகள் எதுவும் கிடைக்கவில்லை