December 11, 2019 Wednesday 03.47 AM
Newsletter Home

சற்றுமுன்

admin
Posted Date : Aug 14 2019 4:56 PM

அமைச்சர் ராஜேந்திர பாலாஜி மீதான சொத்துக்குவிப்பு வழக்கை கைவிட்டது லஞ்சஒழிப்புத்துறை!

Posted Date : Aug 14 2019 4:56 PM

அமைச்சர் ராஜேந்திர பாலாஜி மீதான சொத்துக்குவிப்பு வழக்கில் முதற்கட்ட விசாரணையின் அடிப்படையில், வழக்கில் மேல்நடவடிக்கை கைவிடப்பட்டதாக லஞ்ச ஒழிப்புத்துறை உயர் நீதிமன்றத்தில் தெரிவித்துள்ளது.

மதுரை தல்லாகுளத்தைச் சேர்ந்த மகேந்திரன் என்பவர் உயர்நீதிமன்ற மதுரைக்கிளையில் தொடுத்த வழக்கில், அமைச்சர் பதவியை பயன்படுத்தி ராஜேந்திர பாலாஜி 2011 முதல் 2013 வரை வருமானத்துக்கு அதிகமாக சொத்து சேர்த்துள்ளார். அவர் மீது லஞ்ச ஒழிப்புத்துறையினர் வழக்குப்பதிவு செய்து நடவடிக்கை எடுக்க வேண்டும் என்று கோரிக்கை வைத்திருந்தார்.

இந்த வழக்கு இன்று விசாரணைக்கு வந்த நிலையில், அமைச்சர் ராஜேந்திர பாலாஜி மீதான சொத்து குவிப்பு வழக்கில் முதற்கட்ட விசாரணையின் அடிப்படையில் மேல்நடவடிக்கை கைவிடப்பட்டது என்று லஞ்ச ஒழிப்புத்துறையினர் நீதிமன்றத்தில் தெரிவித்துள்ளனர்.

இதனையடுத்து இந்த வழக்கு விசாரணை தொடர்பான அனைத்து ஆவணங்களையும்  தாக்கல் செய்ய தமிழக பொதுத்துறை செயலருக்கு உத்தரவிட்டு, வழக்கை ஆகஸ்ட் 26-ம் தேதிக்கு நீதிபதிகள் ஒத்திவைத்தனர்.

Comments Here

  • கருத்துகள் எதுவும் கிடைக்கவில்லை