September 26, 2020 Saturday 03.29 PM
Newsletter Home

சற்றுமுன்

admin
Posted Date : Sep 14 2019 12:54 PM

டி.ஐ.ஜி.க்கு 2 கோடி லஞ்சம் கொடுக்க முயன்ற உள்துறை அமைச்சக அதிகாரி, கட்டுமான நிறுவன துணை தலைவர் கைது!

Posted Date : Sep 14 2019 12:54 PM

சிபிஐ உயர் அதிகாரிக்கு 2 கோடி லஞ்சம் கொடுக்க முயன்ற உள்துறை அமைச்சக அதிகாரி, கட்டுமான நிறுவன துணை தலைவர் கைது செய்யப்பட்டுள்ளனர்.

சென்னை வானகரத்தில் செயல்படும் கட்டுமான நிறுவனம் சோமா என்டர்பிரைசஸ். இது பல்வேறு மாநிலங்களில் பல முக்கிய கட்டுமான திட்டங்களை செயல்படுத்தி வருகிறது.

இந்த நிறுவனம் சிபிஐ வழக்கு ஒன்றில் டி.ஐ.ஜி. அஸ்ரா கார்க்கிற்கு லஞ்சம் கொடுக்க முயன்றுள்ளதாக குற்றம்சாட்டப்பட்டது.

இதற்காக உள்துறை அமைச்சக அதிகாரியான தீரஜ் குமார் சிங் மூலமாக இடைத்தரகரான தினேஷ் சந்த் குப்தா, அஸ்ரா கார்க்கை அணுகியுள்ளனர். இது தொடர்பாக டி.ஐ.ஜி. அஸ்ரா கார்க் சிபிஐயிடம் புகார் அளித்தார்.

இதனையடுத்து லஞ்சம் வாங்குவது போல் அஸ்ரா கார்க் நடிக்க , தீரஜ் மற்றும் தினேஷ் ஆகிய இருவரையும் சிபிஐ கையும் களவுமாக பிடித்தது. அவர்களிடம் இருந்து 16 லட்சம் ரூபாயையும் சிபிஐ அதிகாரிகள் பறிமுதல் செய்தனர்.

இந்நிலையில் விசாரணையின் அடிப்படையில், சென்னையைச் சேர்ந்த சோமாஸ் எண்டர்பிரைசஸ் நிறுவனத்தில் துணைத் தலைவர் ராமச்சந்திர ராவ் கைது செய்யப்பட்டுள்ளார்.

டி.ஐ.ஜி. அஸ்ரா கார்க் நேர்மையான அதிகாரி என்று கூறப்படுகிறது. அவரது நேர்மையான செயலால் லஞ்சம் கொடுக்க முயன்றவர்கள் கைது செய்யப்பட்டுள்ளனர்.

Comments Here

  • கருத்துகள் எதுவும் கிடைக்கவில்லை