August 11, 2020 Tuesday 03.37 PM
Newsletter Home

சற்றுமுன்

admin
Posted Date : Jan 6 2020 6:10 AM

சுலேமானீ கொலை: ஆயிரக்கணக்கான மக்கள் ஊர்வலம், அமெரிக்காவுக்கு எதிராக முழக்கம்

Posted Date : Jan 6 2020 6:10 AM

அமெரிக்காவால் கொல்லப்பட்ட இரான் புரட்சிகர ராணுவத்தின் தளபதி காசெம் சுலேமானீக்கு அஞ்சலி செலுத்த இரானில் கூடிய ஆயிரக்கணக்கான மக்கள் துக்கத்தில், தங்கள் மார்பை அடித்துக்கொண்டு '' அமெரிக்காவிற்கு மரணம் '' என முழக்கமிட்டனர்.
மத்திய கிழக்கு நாடுகள் முழுவதும் இரான் செல்வாக்கு மிகுந்த பிராந்தியமாக உருவெடுத்தற்கு முக்கிய காரணமாக விளங்கியவர் காசெம் சுலேமானீ. மேலும் அந்நாட்டின் இரண்டாவது அதிகாரமிக்க நபராகவும் சுலேமானீ விளங்கினார்.
அவரது படுகொலை இரானுக்கும் அமெரிக்காவிற்கும் இடையே பெரும் மோதலை ஏற்படுத்தியுள்ளது.
சுலேமானீயுடன் நெருங்கிய நட்பு கொண்ட இரானின் அதிஉயர் தலைவர் அயதுல்லா காமெனி, இந்த தாக்குதல் சம்பவத்துக்கு கடுமையான பதிலடி இருக்கும் என எச்சரித்துள்ளார். ஈரான் அமெரிக்காவிற்கு எதிரான இணைய தாக்குதல்களை மேற்கொள்ள வாய்ப்புள்ளது என்று ஆய்வாளர்கள் தெரிவித்தனர்.
வெள்ளிக்கிழமை அன்று சுலேமானீ கொல்லப்பட்டதை அறிவித்த அதிபர் டிரம்ப், ''இது மிகவும் ஆபத்தான செயல் என்பதால் அமெரிக்காவின் முன்னாள் அதிபர்களான புஷ் மற்றும் ஒபாமாவால் தவிர்க்கப்பட்டது'' என்றார். மேலும் இரானின் முக்கியமான 52 தளங்களில் அமெரிக்கா தாக்குதல் நடத்த தயாராகவுள்ளது என்றும் சனிக்கிழமை அன்று தெரிவித்தது.
இரு நாடுகளுக்கிடையே போர் ஏற்படுமோ என்ற கவலை தொடர்ச்சியான பல ட்விட்டர் பதிவுகள் மூலம் எழுகிறது. இரான் அமெரிக்க தளத்தில் உள்ள துருப்புகள் மீது இலக்கு வைத்தால், மிகவும் கடுமையான மற்றும் விரைவாக இராக் மீது தாக்குதல் நடத்தப்படும் என அதிபர் டிரம்ப் எச்சரிக்கை விடுத்தார்.
சுலேமானீ மீது நடத்தப்பட்ட தாக்குதல் சர்வதேச சட்டத்தை மீறிய செயலாகும், எனவே இரானின் கலாசார தளங்கள் மீது தாக்குதல் நடத்தினால் அது போர்குற்றமாகும் என இரானின் வெளியுறவு துறை அமைச்சர் முஹம்மத் ஜாவேத் ஜாரிஃப், அதிபர் டிரம்பின் ட்வீட்டர் பதிவுக்கு பதிலளித்தார்.

Comments Here

  • கருத்துகள் எதுவும் கிடைக்கவில்லை