October 22, 2021 Friday 05.24 AM
Newsletter Home

சற்றுமுன்

admin
Posted Date : Mar 1 2020 11:20 PM

இந்தியா - நியூசி டெஸ்ட் : வீரனுக்கு வெற்றியும் தோல்வியும் சகஜம் ! - மீண்டும் ஒயிட் வாஷ் ஆன இந்தியா ..

Posted Date : Mar 1 2020 11:20 PM

கிறைஸ்ட்சர்ச்;

நியூசிலாந்தில் நடந்த இந்தியாவுடனான 2 வது கிரிக்கெட் டெஸ்ட் போட்டியில் 7 விக்கெட் வித்தியாசத்தில் நியூசிலாந்து வெற்றி பெற்றது. இதன்மூலம் 2-0 என்ற கணக்கில் நியூசிலாந்து தொடரை வென்றது.நியூசிலாந்து சென்றுள்ள இந்திய அணி இரண்டு போட்டிகள் கொண்ட டெஸ்ட் தொடரில் பங்கேற்றது.

முதல் போட்டியில் இந்திய அணி வீழ்ந்தது. இரண்டாவது போட்டி கிறைஸ்ட்சர்ச்சில் நடந்தது. இந்திய அணி முதல் இன்னிங்சில் 242 ரன்கள் எடுத்தது. நியூசிலாந்து முதல் இன்னிங்சில் 235 ரன்களுக்கு ஆல் அவுட்டானது. ஷமி 4, பும்ரா 3 விக்கெட் கைப்பற்றினர். முதல் இன்னிங்ஸில் இந்திய அணி 7 ரன் முன்னிலை பெற்றது.

இரண்டாவது இன்னிங்சை துவக்கிய இந்திய அணிக்கு பிரித்வி ஷா (14), மயங்க் அகர்வால் (3) ஏமாற்றினர். கிராண்ட்ஹோம் பந்தில் கேப்டன் கோஹ்லி (14) அவுட்டானார். ரகானே 9 ரன்கள் எடுத்தார். பவுல்ட் 'வேகத்தில்' புஜாரா (24), உமேஷ் (1) புஜரா (24) சிக்கினர். 3வது நாள் ஆட்டத்தில் இந்திய அணி இரண்டாவது இன்னிங்சில் அனைத்து விக்கெட்டுகளையும் இழந்து 124 ரன்கள் எடுத்தது.

ஜடேஜா ஆட்டமிழக்காமல் 16 ரன் சேர்த்தார். மற்றவர்கள் சோபிக்கவில்லை.முதல் இன்னிங்ஸில் 7 ரன் முன்னிலை பெற்ற நிலையில் நியூசிலாந்துக்கு 132 ரன் இலக்கு நிர்ணயித்தது இந்தியா. தொடர்ந்து களம் இறங்கிய நியூசிலாந்து அணி36 ஓவரில் 3 விக்கெட் இழந்து 132 ரன் எடுத்து 7 விக்கெட் வித்தியாசத்தில் நியூசிலாந்து வெற்றி பெற்றது. இதன்மூலம் 2-0 என்ற கணக்கில் நியூசிலாந்து தொடரை வென்றது. 

Comments Here

  • கருத்துகள் எதுவும் கிடைக்கவில்லை