July 04, 2020 Saturday 03.28 AM
Newsletter Home

சற்றுமுன்

admin
Posted Date : Mar 9 2020 4:16 AM

பெண்கள் டி20 உலககோப்பை : இந்தியாவை வீழ்த்தி ஆஸ்திரேலியா 5 வது முறையாக சாம்பியன் !

Posted Date : Mar 9 2020 4:16 AM

ஆஸ்திரேலியாவில் 7-வது பெண்கள் டி20 உலககோப்பை தொடரில் நேற்று இறுதிப்போட்டி நடைபெற்றது. இதில் முதலில் பேட் செய்த ஆஸ்திரேலிய அணி 20 ஓவர்களில் 4 விக்கெட் இழப்பிற்கு 184 ரன்கள் குவித்தது. தொடர்ந்து 185 ரன்கள் இலக்குடன் களமிற்கிய இந்திய அணி 99 ரன்களில் ஆல்அவுட் ஆனது.

இதன்மூலம் 85 ரன்கள் வித்தியாசத்தில் வெற்றி பெற்ற ஆஸ்திரேலிய அணி 5வது முறையாக கோப்பையை வென்று அசத்தியுள்ளது. இந்த தொடரில் முதல் முறையாக இறுதிப்போட்டியில் நுழைந்த இந்திய அணி ஏமாற்றத்துடன் வெளியேறியது.

இந்த தொடரில் சாம்பியன் பட்டம் வென்ற ஆஸ்திரேலியாவுக்கு ரூ.7 கோடியே 40 லட்சமும், முதல்முறையாக இறுதிப்போட்டிக்கு வந்து 2-வது இடத்தை பிடித்த இந்தியாவுக்கு ரூ.3 கோடியே 70 லட்சமும் பரிசத்தொகையாக வழங்கப்பட்டது.

ஆஸ்திரேலியாவின் மெல்போர்ன் மைதானத்தில் நடைபெற்ற இந்தியா-ஆஸ்திரேலியா மோதிய இந்த இறுதி ஆட்டத்தை பார்க்க மொத்தம் 86 ஆயிரத்து 174 ரசிகர்கள் குவித்து இருந்தனர். பெண்கள் கிரிக்கெட் வரலாற்றில் ஒரு ஆட்டத்தை நேரில் கண்டுகளித்த அதிகபட்ச ரசிகர்கள் எண்ணிக்கை இது தான் என்று ஐ.சி.சி. பெருமிதத்தோடு கூறியுள்ளது.


இந்த உலக கோப்பையில் இந்தியாவும், ஆஸ்திரேலியாவும் ஒரே பிரிவில் (ஏ பிரிவு) இடம் பெற்றிருந்தன. இதில் தொடக்க ஆட்டத்தில் ஆஸ்திரேலியாவை 17 ரன்கள் வித்தியாசத்தில் வீழ்த்திய இந்திய அணி லீக் சுற்றில் 4 ஆட்டங்களிலும் வெற்றி கண்டது. ஆனால் ஆஸ்திரேலியா 3 வெற்றி, ஒரு தோல்வியுடன் ஏ பிரிவில் 2-வது இடத்தை பெற்றது.

அதன் பிறகு அரைஇறுதியில் இங்கிலாந்துடன் மோதும் வாய்ப்பு மழையால் ரத்தானால் லீக் சுற்றில் முதலிடம் பிடித்த அடிப்படையில் இந்தியா இறுதி ஆட்டத்திற்கு வந்து படுதோல்வி அடைந்திருக்கிறது.

Comments Here

  • கருத்துகள் எதுவும் கிடைக்கவில்லை