October 01, 2020 Thursday 12.57 PM
Newsletter Home

சற்றுமுன்

admin
Posted Date : Mar 20 2020 3:50 AM

கேரளா: கொரோனாவால் ஏற்பட்ட பொருளாதார நெருக்கடி நிலையை சமாளிக்க 20,000 கோடி நிதி - பினராயி விஜயன் !

Posted Date : Mar 20 2020 3:50 AM

கேரளாவில் மேலும் ஒருவருக்கு கொரோனா பாதிப்பு இருப்பது உறுதி செய்யப்பட்டதை தொடர்ந்து, மாநிலத்தில் கொரோனா தொற்று பாதித்தவர்களின் எண்ணிக்கை 25 ஆக அதிகரித்துள்ளது.  


கொரோனா இருப்பது உறுதி செய்யப்பட்ட அந்த நபர், வடக்கு காசராகோடு மாவட்டத்தைச் சேர்ந்தவர் என்றும் அவர் துபாயில் இருந்து திரும்பி வந்துள்ளதும் தெரிய வந்துள்ளது. 

இதைத்தொடர்ந்து, கொரோனாவால் ஏற்பட்டுள்ள நெருக்கடி நிலையை சமாளிக்கும் வகையில், ரூ.20,000 கோடி நிதி ஒதுக்கி சிறப்பு திட்டத்தை கேரள அரசு அறிவித்துள்ளது.

முதல்வர் பினராயி விஜயன் அறிவித்த பல கோடி சிறப்பு பொருளாதார திட்டத்தில், வறுமை ஒழிப்புத் திட்டம் மூலம் 2 ஆயிரம் கோடி ரூபாய் மதிப்பில் கடன்கள் வழங்க உத்தரவிடப்பட்டுள்ளது. சுகாதார திட்டத்திற்காக 500 கோடி ரூபாயும் ஒதுக்கப்பட்டுள்ளது.

வேலை உறுதி திட்டத்தை செயல்படுத்த 2 ஆயிரம் கோடி ரூபாய் ஒதுக்கீடு செய்யப்பட்டுள்ளது. 2 மாதத்திற்கான நலத்திட்ட ஓய்வூதியத்தை இந்த மாதமே வழங்க ஆணையிடப்பட்டுள்ளது. நலத்திட்டம் ஓய்வூதியம் பெற தகுதியில்லாத குடும்பங்களுக்கு ஆயிரம் ரூபாய் உதவித் தொகை வழங்க 1,320 கோடி ரூபாய் ஒதுக்கீடு செய்யப்பட்டிருக்கிறது.

தேவைப்படும் குடும்பங்களுக்கு உணவு தானியங்கள் வழங்க ரூ.100 கோடியும், 20 ரூபாய் மலிவு விலையில் உணவு வழங்குவதற்காக ரூ.50 கோடியும் ஒதுக்கப்பட்டுள்ளது. 

மேலும், கொரோனா தங்களது பொருளாதாரத்தை அழித்துவிட்டது என்றும் முதல்வர் பினராயி விஜயன் கூறியுள்ளார். 

கேரளாவில் இதுவரை மொத்தம் 2,921 மாதிரிகள் பரிசோதிக்கப்பட்டதில் 2,342 மாதிரிகளில் கொரோனா பாதிப்பு இல்லை என்பது உறுதி செய்யப்பட்டுள்ளது. நாடு முழுவதும் தற்போது, 170க்கும் மேற்பட்டோர் கொரோனா தொற்றுநோயால் பாதிக்கப்பட்டுள்ளனர். 31,000க்கும் அதிகமானோர் கண்காணிப்பில் வைக்கப்பட்டுள்ளனர்.

கேரளாவில், முதன்முதலாக கொரோனா வைரஸ் பாதிப்பு உறுதி செய்யப்பட்ட மூன்று பேரும் தற்போது, முற்றிலும் குணமடைந்து தங்களது வழக்கமான வாழ்க்கை முறைக்கு திரும்பியுள்ளனர். 

தொடர்ந்து, முதல்வர் பினராயி விஜயன் தனது செய்தியாளர் சந்திப்பின் போது, மாநிலத்தில் பல்வேறு பாதுகாப்புத்துறை தலைவர்களுடன் ஆலோசனை கூட்டத்தை நடத்தியதாகவும் அவர்கள் அனைத்து உதவிகளையும் அளித்துள்ளதாகவும் அவர் தெரிவித்துள்ளார். 

 

Comments Here

  • கருத்துகள் எதுவும் கிடைக்கவில்லை