August 02, 2021 Monday 05.48 PM
Newsletter Home

சற்றுமுன்

admin
Posted Date : Mar 20 2020 6:06 AM

" எல்லாவற்றுக்கும் இந்த சீனா தான் காரணம் " அமெரிக்க அதிபர் டிரம்ப்பின் கருத்துக்கு வலுக்கும் எதிர்ப்பு !

Posted Date : Mar 20 2020 6:06 AM

சீனாவில் உருவான கொரோனா வைரஸானது இத்தாலி, இரான், ஸ்பெயின், ஜெர்மனி உள்ளிட்ட 176 நாடுகளையும் பாதிப்புக்கு உள்ளாக்கி வருகிறது. ஆனால், சீனாவில், கொரோனா வைரஸால் பாதிப்படைவர்களின் எண்ணிக்கை கணிசமாக குறைந்து வருகிறது.

பல நாடுகளும் முன்னெச்சரிக்கை நடவடிக்கைகளை தீவிரமாக எடுத்துள்ளன. எனினும், பாதிக்கப்படுபவர்களின் எண்ணிக்கையும் இறப்பவர்களின் எண்ணிக்கையும் நாளுக்குநாள் அதிகமாகிக்கொண்டே செல்கிறது.

குறிப்பாக இத்தாலியில் இறந்தவர்களின் எண்ணிக்கையானது சீனாவில் இறந்தவர்களின் எண்ணிக்கையைவிட அதிகரித்திருப்பது உலகளவில் அதிர்ச்சியை ஏற்படுத்தியுள்ளது.

 அமெரிக்க அதிபர் ட்ரம்ப், இத்தகைய சூழல் உருவாக சீனாவின் வெளிப்படைத் தன்மை இல்லாமையே காரணம் என குற்றம் சாட்டினார். ``கொரோனா வைரஸானது சீனாவின் ஒரு பகுதியில் பரவத் தொடங்கியிருக்கலாம். ஆனால், அவர்களின் செயலுக்கு உலகம் தற்போது பெரிய விலையை கொடுத்துக் கொண்டிருக்கிறது" என்று அவர் கூறியுள்ளார். . இதேபோல ஏற்கெனவே, கொரோனா வைரஸை `சீன வைரஸ்' என்று குறிப்பிட்டும் விமர்சனத்துக்கு உள்ளானார்.

உலக சுகாதார நிறுவனமும் ட்ரம்பின் கருத்துக்கு கண்டனம் தெரிவித்துள்ளது. அந்நிறுவனத்தின் அவசரகால திட்டத்தின் நிர்வாக இயக்குநர் மைக் ரியான் பேசும்போது, ``வைரஸ்களுக்கு எல்லைகள் எதுவும் கிடையாது. உங்களுடைய இனம், நிறம் மற்றும் வங்கியில் நீங்கள் வைத்திருக்கும் பணம் ஆகியவற்றைக் குறித்து வைரஸ்கள் கவலைப்படுவது இல்லை. எனவே, நாம் பேசும்போது கவனமாக மொழியைக் கையாள வேண்டும்" என்று ட்ரம்பின் கருத்து குறித்து கேட்டதற்குப் பதிலளித்துள்ளார்.

 

Comments Here

  • கருத்துகள் எதுவும் கிடைக்கவில்லை