October 22, 2021 Friday 06.10 AM
Newsletter Home

சற்றுமுன்

admin
Posted Date : Nov 17 2020 4:56 AM

11 கல்லூரிகளுக்கு மட்டும் நீட் தேர்விலிருந்து விலக்கு ! - மத்திய அரசின் புதிய திட்டம் என்ன ?

Posted Date : Nov 17 2020 4:56 AM

நாடு முழுவதும் உள்ள மருத்துவம் மற்றும் பல் மருத்துவ கல்லூரிகளில், இளநிலை, முதுநிலை படிப்புகளில் சேருவதற்கு அகில இந்திய அளவில் பொது நுழைவுத் தேர்வு (NEET) நடத்த வேண்டும் என உச்ச நீதிமன்றம் உத்தரவிட்டிருந்தது. நாடு முழுவதும் பரவலாக இதற்கு எதிர்ப்பு கிளம்பிய நிலையில், மாநில அரசுகள் உச்ச நீதிமன்றத்தில் இதனை எதிர்த்து வழக்கு தொடர்ந்தது. ஆனாலும், மருத்துவ நுழைவுத் தேர்வு கட்டாயம் என உச்ச நீதிமன்றம் உத்தரவிட்டது.

இதையடுத்து, கடந்த 5 ஆண்டுகளாக நீட் தேர்வு நடைபெற்று வருகிறது. எனினும், தமிழக உள்பட பல்வேறு மாநிலங்களில் இன்றளவும் நீட் தேர்வுக்கு எதிர்ப்பே நிலவி வருகிறது. நீட் தேர்வினால் ஏழை மாணவர்களுக்காக மருத்துவ கல்லூரிகளின் கதவுகள் திறக்கப்படுவதில்லை என்று பரவலாக குற்றம் சாட்டப்படும் நிலையில், அடித்தட்டு மக்களின் மருத்துவக் கனவைச் சிதைக்கும் நீட்தேர்வு மாணவ, மாணவியரின் உயிருக்கும் உலை வைத்துள்ளது.

இதனிடையே, நீட் தேர்வில் ஆள்மாறாட்டம் தொடர்பாக எழுந்த புகார்களும் அதன் பேரில் மாணவர்களும் அவர்களது பெற்றோர்களும், இடைத்தரகர்களும் கைது செய்யப்பட்ட சம்பவம் அதிர்ச்சியை ஏற்படுத்தியது. 

இந்த நிலையில், எய்ம்ஸ், ஜிப்மர் உள்ளிட்ட 11 மத்திய அரசுக் கல்லூரிகளுக்கு நீட் முதுகலை தேர்வில் (PG Courses MD, MS, DM (6 years), MCH (6 years), MDS) இருந்து விலக்களிக்கப்பட்டு, இனி-செட் (INI-CET) என்ற புதிய தேர்வு அறிமுகம் செய்யப்பட்டுள்ளது. இதற்கான அறிவிக்கையை மத்திய அரசு வெளியிட்டுள்ளது. நீட் தேர்வை தேசிய தேர்வு முகமை நடத்திய நிலையில், இனி-செட் தேர்வை எய்ம்ஸ் நடத்துகிறது என்பது குறிப்பிடத்தக்கது.

Comments Here

  • Tran Nov 17,2020 | 05:30 AM

    appo endha mayi* NEET vekkareenga?!!! Such a failed model!!!!