January 16, 2021 Saturday 04.36 AM
Newsletter Home

சற்றுமுன்

admin
Posted Date : Nov 27 2020 6:18 AM

அவர்கள் சொல்லட்டும் : நான் வெள்ளை மாளிகை விட்டு போகிறேன் - அதிபர் டிரம்ப்

Posted Date : Nov 27 2020 6:18 AM

அதிபர் தேர்தலில் தோற்ற போதும் இன்றுவரை அந்த தோல்வியை டொனால்ட் டிரம்ப் ஏற்றுக்கொள்ளவில்லை .இந்நிலையில் எப்போது , வெள்ளை மாளிகை விட்டு வெளியேறுவார் என்ற கேள்விகள் எழுந்துள்ள நிலையில் அதற்கு பதில் அளித்துள்ளார் .

வாஷிங்டன்,

அமெரிக்காவில் கடந்த நவம்பர் 3ந்தேதி நடந்து முடிந்த அதிபர் தேர்தலில் ஜனநாயக கட்சி வேட்பாளர் ஜோ பைடன் வெற்றி பெற்று, அமெரிக்காவின் 46வது அதிபராக தேர்வானார்.  இதனால் தெற்காசியாவை சேர்ந்த இந்தியா வம்சாவளியான கமலா ஹாரிஸ் துணை அதிபராகிறார்.

ஆனால் நடப்பு அதிபரான டொனால்டு டிரம்ப் ஜனநாயக கட்சியின் வெற்றியை ஒப்புக்கொள்ளாமல் தொடர் குற்றசாட்டுகளை முன் வைத்து வருகிறார். பரவலான தேர்தல் மோசடி குறித்த ஆதாரமற்ற கூற்றுக்களை முன்வைத்து, தேர்தலை ஒப்புக்கொள்ள அதிபர் டிரம்ப் மறுத்துவிட்டார்.

இந்த நிலையில், பைடன் அதிபர் என எலக்டோரல் காலேஜ் சான்றளித்து விட்டால் வெள்ளை மாளிகையை விட்டு வெளியேறுவீர்களா? என நிருபர் ஒருவர் டிரம்பிடம் கேள்வி எழுப்பினார்.

அதிபர் தேர்தலில் பைடனிடம் தோல்வி அடைந்த பின் டிரம்ப் முதன்முறையாக செய்தியாளர்களின் கேள்விகளுக்கு பதிலளித்து பேசியுள்ளார்.  நிருபரின் இந்த கேள்விக்கு பதிலளித்த டிரம்ப், நிச்சயம் நான் வெள்ளை மாளிகையை விட்டு வெளியேறுவேன்.  அது உங்களுக்கும் தெரியும்.  ஆனால் வருகிற ஜனவரி 20ந்தேதி வரை பல்வேறு விசயங்கள் நடைபெறும் என நான் நினைக்கிறேன்.  பெரிய அளவில் நடந்த முறைகேடுகள் கண்டறியப்பட்டு உள்ளன என கூறியுள்ளார்.

அமெரிக்காவில் எலக்டோரல் காலேஜ் என்பது அதிபரை தேர்வு செய்ய கூடிய தேர்வாளர்களை கொண்ட ஒரு குழுவாகும்.  இந்த குழுவினர் அளிக்கும் ஓட்டுகளுக்கு ஏற்ப பெரும்பான்மை வாக்குகளை பெறும் அதிபர் வேட்பாளர் வெற்றியாளராக அறிவிக்கப்படுவார்.

Comments Here

  • கருத்துகள் எதுவும் கிடைக்கவில்லை