பிபிசி உலகின் சிறந்த 100 பெண்கள் -2020 என்கிற பட்டியலை வெளியிட்டது . 2020 ஆம்  ஆண்டில் இந்தியாவைச் சார்ந்த 4 பெண்கள் இந்தப்பட்டியலில் இடம்பெற்றுள்ளனர் 

1. பில்கிஸ் பானோ  

டெல்லியில் ஷாஹீன் பாக் நகரில் குடியுரிமை திருத்தச் சட்டத்திற்கு எதிராக போராட்டம் நடைப்பெற்றது .குளிர்காலத்தையும் பொருட்படுத்தாது 82 வயதான தாடி பில்கிஸ் பானோ  போராட்டத்தில் பங்கேற்றார்.போராட்டக்காரர்களில் மிகவும் சக்திவாய்ந்த பெண்மணியாகவும் திகழ்ந்தார் .தினமும் காலை 8 மணிக்கு  தனது வீட்டை விட்டு வெளியேறி நள்ளிரவு வரை போராட்டத்தில் அமர்ந்திருப்பார். அவரது பெயர் TIME பத்திரிகையின் ‘100 மிகவும் செல்வாக்கு மிக்க நபர்கள்’ இல் இடம்பெற்றதும் குறிப்பிடத்தக்கது

2.இசைவாணி

பா.இரஞ்சித்தின் இசைக்குழுவான கேஸ்ட்லெஸ் கலெக்டிவ் (Casteless Collective) இசைக்குழுவின் பாடகியாக செயல்படுபவர் .கானா பாடல்கள் என்றால் ஆண்கள் மட்டுமே பாடுகிறவர்கள் என்பதை உடைத்து  தன் முத்திரை பதித்தார் .கானா பாடல் மூலமாக சமூகக்கருத்துக்களை மேடைகளில் தன் குழுவுடன் பாடி வருகிறார் .இசைவாணியின் வெற்றி மற்ற இளம் பெண் கானா பாடகர்களுக்கு உத்வேகம் அளித்துள்ளது 

3. மனசி ஜோஷி

இந்திய பாரா விளையாட்டு வீரர் மற்றும் தற்போதைய பாரா-பேட்மிண்டன் உலக சாம்பியன் ஆவார். டைம் இதழால் ஜோஷி "அடுத்த தலைமுறை தலைவராக" பட்டியலில் இடம்பெற்றார்.உடல் ஊனமுற்றோர் மற்றும் பாரா-ஸ்போர்ட்ஸ் பற்றிய கருத்தை மாற்றுவது குறித்து ஜோஷி குரல் கொடுத்து வருகிறார்.

4.ரிதிமா பாண்டே 

இந்தியாவைச் சார்ந்த மிக இளம் வயது சுற்றுசுழல் ஆர்வலர் மற்றும் பருவநிலை மாற்றத்திற்கு எதிராக போராடுபவர்.தனது ஒன்பது வயதில், பாண்டே பருவநிலையை பாதுகாக்க இந்திய அரசாங்கத்தின் செயலற்ற தன்மையைக் கேள்விக்குட்படுத்தி ஒரு மனுவைத் தாக்கல் செய்தார்.2019-ல், பாண்டே 15 பேருடன் இணைந்து  ஐந்து நாடுகளுக்கு எதிராக ஐ.நாவில் வழக்குத் தொடர்ந்தனர். அந்த ஐந்து நாடுகளும் பருவநிலை மாற்றத்தால் ஏற்படும் பிரச்சினைகளை புறக்கணித்த நாடாகும் 

உலகின் சிறந்த 100 பெண்கள் என்கிற பட்டியலை 2013-ஆம் ஆண்டிலிருந்து பிபிசி  வெளியிட்டு வருவது குறிப்பிடத்தக்கது .