January 16, 2021 Saturday 06.01 AM
Newsletter Home

சற்றுமுன்

admin
Posted Date : Nov 28 2020 10:07 AM

பாவ கதைகள் : நான்கு முன்னணி இயக்குனர்களின் ஆந்தாலஜி எப்போது வெளியீடு ?

Posted Date : Nov 28 2020 10:07 AM

கொரோனாவால் திரையுலகமே மூழ்கியிருக்கும் நிலையில் ஒடிடி தளங்களுக்காக பிரத்யேகமாக படம் இயக்க பல முன்னணி இயக்குனர்கள் களமிறங்கியுள்ளனர் .அந்த வகையில் பாவ கதைகள் என்கிற தலைப்பில் உருவாகும் ஆந்தாலஜி திரைப்படம் பற்றிய அறிவிப்பை நெட் பிளிக்ஸ் நிறுவனம் வெளியீட்டுள்ளது

நெட்ஃபிளிக்ஸ் நிறுவனம் தனது முதல் தமிழ் ஆந்தாலஜி திரைப்படமான "பாவ கதைகள்" டீசரை  வெளியிட்டது. இந்த ஆந்தாலஜி திரைப்படம் நெட்ஃபிளிக்ஸ் தளத்தில் டிசம்பர் 18, 2020 அன்று வெளியாகவுள்ளது. இயக்குநர்கள் சுதா கொங்கரா, விக்னேஷ் சிவன், கவுதம் மேனன் மற்றும் வெற்றிமாறன் இணைந்து இப்படத்தினை இயக்கியுள்ளனர்.

"பாவக்கதைகள்" காதல், அந்தஸ்து, கௌரவம் ஆகியவை நம் உறவுகளில் ஏற்படுத்தும் மாற்றங்களைக் கூறும் நான்கு அழகான கதைகளை ஆந்தாலஜி வகையில் சொல்லும்படி உருவாக்கப்பட்டுள்ளது. இப்படத்தினை ரோனி ஸ்க்ரூவாலாவின் ஆர் எஸ்விபி மூவிஸ் (RSVP Movies) நிறுவனம் மற்றும் ஆஷி துவா சாராவின் ஃபிளையிங் யுனிகார்ன் எண்டர்டெயின் மெண்ட் (Flying Unicorn Entertainment) நிறுவனம் இணைந்து தயாரித்துள்ளார்கள்.

 

 

சுதா கொங்கரா இயக்க உள்ள கதையில் நடிகர்கள் பவானிஶ்ரீ, காளிதாஸ் ஜெய ராம், சாந்தனு பாக்யராஜ் நடித்துள்ளார்கள்.

விக்னேஷ் சிவன் எழுதி இயக்கி உள்ள படத்தில் அஞ்சலி, கல்கி கொச்சிலின், பதம் குமார் நடித்துள்ளனர். வெற்றி மாறன் எழுதி இயக்கி உள்ள படத்தில் ஹரி, பிரகாஷ் ராஜ், சாய் பல்லவி நடித்துள்ளனர். கௌதம் வாசுதேவ் மேனன் எழுதி இயக்கி உள்ள படத்தில் கவுதம் வாசுதேவ் மேனன் , சிம்ரன் நடித்துள்ளனர்.

Comments Here

  • கருத்துகள் எதுவும் கிடைக்கவில்லை