இந்தியாவில் இருக்கும் பெரும்பாலான மக்கள், தங்களின் தொலைதூர பயணத்திற்காக ரயில் சேவையை நம்பி வருகின்றனர். குறிப்பாக, டிக்கெட் புக் செய்தோர் தங்களின் PNR ஸ்டேட்டஸை தெரிந்துகொள்ள பல வழிகள் இருக்கின்றது. இந்த PNR ஸ்டேட்டஸ் மூலம் நமது ரயில் பயணத் தகவல்களை தெரிந்துகொள்ளலாம். இருக்கைகள் கன்பார்மாகிவிட்டதா? இல்லை RAC-ஆ என்பது குறித்து அறிந்துகொள்ளலாம். இந்தநிலையில், ரெயிலோஃபி (Railofy) நிறுவனம், தங்களின் PNR ஸ்டேட்டஸை வாட்ஸ் அப் எண்ணிற்கே நேரடியாக அனுப்பும் வசதியை அறிமுகப்படுத்தியுள்ளது. 

இதன்மூலம் நமது பி.என்.ஆர் ஸ்டேட்டஸ் நிலை மற்றும் ரயில் தாமத தகவல்கள், லைவ் ஸ்டேஷன் நோட்டிபிகேஷன் போன்ற பிற ரயில் தகவல்களையும் தெரிந்துகொள்ளலாம் என கூறப்படுகிறது. அதன்படி பயணிகள், தங்களின் PNR எண்ணை +919881193322 என்ற வாட்ஸ் அப் நம்பருக்கு அனுப்பினால் போதும். உங்கள் பயணசீட்டின் PNR எண் நிலையை நொடியில் வந்துவிடும். மேலும் இதில் பயணிகள் ரயில் நிலையத்தை அடையும்போது நமது நிலையம் வந்துவிட்டது எனவும், ​​அடுத்த வரவிருக்கும் நிலையம் குறித்த தகவலையும் தெரிவிக்கும் என கூறப்படுகிறது.

Railofy நிறுவனத்தின் கூற்றுப்படி, 'ஒரு பொதுவான ஐ.ஆர்.சி.டி.சி பயனர் தனது பி.என்.ஆர் நிலையை பயண தேதிக்கு முன்னர் சுமார் 10 முதல் 20 முறை சரிபார்க்கிறார், இதன் விளைவாக கூகிளில் பி.என்.ஆர் நிலைக்கான 1 கோடிக்கும் மேலான மாதாந்திர தேடல்கள் கிடைக்கின்றது'. இதை எளிமையாக்க, இந்த சேவையின் மூலம், பயணிகள் தங்கள் வாட்ஸ்அப் எண்ணில் பி.என்.ஆர் நிலையின் அப்டேட்களைப் உடனடியாக பெறுவார்கள்.