சென்னை குடிசைவாழ் பகுதி மக்களுக்கு டிச.13 வரை இலவச உணவு வழங்கும் திட்டமிடப்பட்டுள்ளதாகவும் சமுதாய நலக்கூடங்கள், அம்மா உணவகங்கள் மூலம் மக்களுக்கு உணவு வழங்கப்படும் என்றும் சென்னையில் குடிசைப் பகுதிகளில் 5.3 லட்சம் குடும்பங்கள் இருக்கும் நிலையில் 23 லட்சம் பேர்  குடிசைப்பகுதியில் வசிப்பதாகவும் குறிப்பிடப்பட்டுள்ளது.

புரெவி புயல் காரணமாக தமிழகத்தின் பல்வேறு மாவட்டங்களில் கடந்த 2 நாட்களுக்கு மேலாக தொடர் கனமழை பெய்து வருகிறது. கடலூர் மாவட்டத்தின் பல இடங்கள் கனமழையால் நீரில் தத்தளிக்கின்றன. இவ்வாறு மழையால் பாதிக்கப்பட்டிருக்கும் பகுதிகளில் வசிக்கும் மக்களுக்கு நிவாரணம் வழங்க அமைச்சர்களை நியமித்து முதல்வர் உத்தரவிட்டார். மேலும், மக்களுக்கு தேவையான உதவிகள் வழங்க உரிய நடவடிக்கை எடுக்கப்படும் என்றும் அறிவித்திருக்கிறார்.

அந்த வகையில், சென்னையில் மழையால் கடுமையாக பாதிப்புக்கு உள்ளாகியிருக்கும் குடிசை வாழ் மக்களுக்கு உணவு வழங்க முதல்வர் உத்தரவிட்டுள்ளார் என்பது குறிப்பிடத்தக்கது.